Манай сан нь тусламжинд хамрагддаг хүүхдүүддээ чиглэсэн үйлчилгээ үзүүлэхээс гадна орон нутагт чиглэсэн төсөл хөтөлбөрүүдийн хүсэлтийг хүлээн авч, дараах чиглэлүүдэд хамтран ажилласаар байна.
Номын өргөө төсөл
“Номын өргөө” төслийн хүрээнд 2025 онд Улаанбаатар хотын дүүргүүдийн ерөнхий боловсролын 2 сургуулийн номын санг бүрэн тохижуулах, мөн Төв аймгийн Борнуур, Жаргалант, Батсүмбэр, Эрдэнэ зэрэг тус сангийн тусламжийн хамрах хүрээний сумдын 1 сургуулийн номын санг бүр тохижуулахаар төлөвлөж байна. Төсөлд хамрагдах хүсэлтэй дараах шаардлагад нийцсэн ЕБС-ууд хугацаанаас өмнө хүсэлтээ ирүүлнэ үү.
Санамж: Зөвхөн дээр дурдсан УБ хотын дүүргүүд болон Төв аймгийн 4 сумдын сургуулиудад хамааралтай болно. 2025 онд бусад орон нутагт тус төсөл хэрэгжихгүй.
Тавигдах шаардлага:
1. Сургуулийн барилга нь 2018 оноос хойш баригдсан.
2. 2. 60м2-80м2 талбайтай, номын сангийн зориулалттай танхимтай байх гэсэн үндсэн шаардлага хангасан сургуулиудын хүсэлтийг хүлээн авна.
Номын сангийн тохижилт, засварыг “Номын өргөө” төслийн батлагдсан интерьер зургийн дагуу хийж гүйцэтгэнэ.
Төслийг хүлээн авах хугацаа: 2025 оны 3 сарын 6-ний өдөр дуусгавар болно.
Төсөл бичих загварыг 【энд дарж татаж авна уу】
School sponsorship хөтөлбөр
Энэхүү хөтөлбөрийн гол зорилго нь хотын болон орон нутгийн ЕБС-ын үйл ажиллагааг дэмжих, сурагчдад суралцах таатай, стандартад нийцсэн орчинг бүрдүүлж, хүртээмжтэй, эрх тэгш боловсролыг олгоход туслах, мөн сурагчдын урлаг, спортын авьяас чадварыг нээх, хөгжүүлэх, хичээлээс гадуурх цагийг үр бүтээлтэй өнгөрүүлэх, амжилттай сурах боломжоор хангахад оршино.
Хүсэлт гаргахад тавигдах үндсэн шаардлага
1. Улаанбаатар хот болон орон нутагт үйл ажиллагаа явуулж буй төрийн өмчийн ЕБС
2. Суралцагчийн тоо 1500-с ихгүй байх.
3. Сурагчдыг урлаг, спортын чиглэлээр хөгжүүлэх эсвэл ерөнхий эрдмийн мэдлэг, байгалийн ухааны хичээлийн мэдлэгийг дээшлүүлэх тодорхой хөтөлбөрийг хэрэгжүүлж эхэлсэн эсвэл эхлүүлэхээр төлөвлөсөн, тухайлсан хөтөлбөрүүдэд шаардлагатай санхүүжилтийг шийдэх боломжгүй байгаа
4. Хичээлээс гадуурх үйл ажиллагаагаа идэвхжүүлж тодорхой амжилт гаргахаар ажиллаж буй сургуулиуд хүсэлт гаргах боломжтой.
Хүсэлтийг хүлээн авах хугацаа 2025 оны 04 сарын 15-ны өдөр дуусгавар болно.
Хүсэлт хүлээн авсны дараа шалгаруулалт хийж, хэрэгжих сургуулийг сонгон, хамтран ажиллана.
/Төслийн загвар татах/
Орон нутгийн ЕБС-ийн дотуур байрны хүүхэд хөгжлийн өрөөг тохижуулах хөтөлбөр
Тав тухтай, тохилог хүүхэд хөгжлийн өрөө тохижуулж, дотуур байранд амьдарч буй хүүхдүүдийг хичээлийн бус цагаа үр дүнтэй өнгөрүүлэх, авьяас чадвараа нээн хөгжүүлж, сургалтын чанар, суралцах орчинг сайжруулах зорилготой хэрэгжүүлж буй хөтөлбөр юм.
Хүсэлт гаргахад тавигдах үндсэн шаардлага
1. Хөдөө орон нутагт үйл ажиллагаа явуулж буй төрийн хэвшлийн ерөнхий боловсролын сургуулийн дотуур байр байх.
2. Сургуулийн дотуур байранд суудаг нийт суралцагчын тоо 100-с дээш байх.
3. Хүүхэд хөгжлийн өрөөний талбайн хэмжээ 30 мкв-с дээш байх.
4. Тохижуулахаас бусад дотоод заслын ажил хийгдчихсэн эсвэл сургууль заслын ажлаа хариуцан, богино хугацаанд хийж гүйцэтгэх боломжтой байх.
5. Хүүхэд хөгжлийн өрөөг хариуцан ажиллах боловсон хүчинтэй байх.
6. Төсөл хэрэгжүүлэх үед олгогдох тохижилтын эд зүйлсийг тээвэрлэхтэй холбоотой зардлыг хүсэлт гаргагч өөрөө хариуцна.
Хүүхэд хөгжлийн өрөөг Тайваний Хүүхдийн сангаас баталсан төсөв болон загварт нийцүүлэн тохижуулахыг хүлээн зөвшөөрч буй тохиолдолд хүсэлтийн маягтыг татан авч боловсруулаад, заасан хугацаанаас өмнө мэйлээр ирүүлнэ үү.
Хүсэлтийг хүлээн авах хугацаа 2025 оны 04 сарын 15-ны өдөр дуусгавар болно.
Хүсэлт хүлээн авсны дараа шалгаруулалт хийж, хэрэгжих 2 сургуулийг сонгон, хүүхэд хөгжлийн өрөөг тохижуулна.
Хүсэлт хүлээн авсны дараа шалгаруулалт хийж, хэрэгжих 3 сургуулийг сонгон, хүүхэд хөгжлийн өрөөг тохижуулна.
Эрүүл мэнд
Манай сан эрүүл мэндийн чиглэлээр үйл ажиллагаа явуулж буй төсвийн байгууллагын тоног төхөөрөмжид шинэчлэл хийх болон тэдгээрийн эмч ажилчдыг гадаад дотоодын мэргэжил дээшлүүлэх сургалтад хамрагдахад санхүүгийн дэмжлэгийг үзүүлэх чиглэлд тогтмол төсөл хөтөлбөрийг хэрэгжүүлэн ажиллаж байна.
Эрүүл мэндийн тусламж үйлчилгээг сайжруулах
Улсын эмнэлгүүд болон сэргээн засах төвүүдийн эмчилгээний тоног төхөөрөмжийг шинэчлэх чиглэлд төсөл хүлээн авна.
Тавигдах шаардлага:
• Улсын харьяаны эмнэлэг байх
• Хүсэлт ирүүлж байгаа жил тухайн төсөл дээр улсаас санхүүжилт тусгагдаагүй байх
• Төслийн төсвийн хэмжээ 20 саяаас хэтрээгүй байх
Та хүсэлт гаргах бол дараах маягтыг татан авч, төслийн хүсэлтээ боловсруулан, одоо байгаа нөхцөл байдлын талаарх фото зураг болон албан тоот зургийг хавсарган илгээнэ үү.
Төсөл бичих загвар татах
Эмнэлгийн ажилтны мэргэжил дээшлүүлэх сургалт
Доорх сургалтуудад санхүүгийн дэмжлэг үзүүлэх тухай хүсэлтийг хүлээн авна.
- Жил бүр нэг эмчийг Тайвань улсад 2-3 сарын хугацаатай сургалтад хамрагдахад шаардлагатай зардлыг шийдвэрлэн санхүүгийн дэмжлэг үзүүлэх
/Хүсэлт гаргагч нь Англи хэлний В2 буюу ахисан дундаас дээш түвшинтэй байх, мэргэжлээрээ 2-с доошгүй жил ажилласан байх /
- Жил бүр 6 эмчид гадаад улсад мэргэжил дээшлүүлэх сургалтад хамрагдахад замын зардлын дэмжлэг үзүүлэх
- Орон нутгаас УБ хотод ирж дунд болон урт хугацааны сургалтад хамрагдаж буй эмч нарт сургалтын зардал, замын зардал болон байрны зардал эсвэл УБ хотоос хөдөө орон нутагт эмч мэргэжилтэн очиж сургалт явуулахтай холбоотой зардалд дэмжлэг үзүүлж байна.
Төсөл бичих загвар татах
Сургуулийн өмнөх боловсролыг дэмжих хөтөлбөр
Тус хөтөлбөрийн гол зорилго нь сургуулийн өмнөх насны хүүхдүүдийн сурч хөгжих орчинг сайжруулах, тэднийг олон талт сургалтын хөтөлбөрөөр хөгжүүлэх юм. Тиймээс 2025 оны хөтөлбөрийн үйл ажиллагаагаа эхлүүлэн нийслэл болон 21 аймгийн цэцэрлэгүүдээс сургалтын орчинг сайжруулах, хичээлийн агуулгыг баяжуулах зорилготой төслүүдийг хүлээн авч эхэллээ.
Иймд та бүхэн төслөө нээлттэй ирүүлнэ үү. Ирүүлсэн төслүүдээс шалгаруулж, дэмжлэг үзүүлэн хамтран ажиллана.
Жич: тус хөтөлбөрийн хүрээнд барилгын бүх төрлийн засвар үйлчилгээтэй холбоотой төслийн санал хүлээн авах боломжгүй, бусад чиглэлээр төслийн санал хүлээн авч, хэлэлцэн шийдвэрлэнэ.
2025 оны Төсөл хүлээн авах хугацаа 2025.03.31-нд дууссан.
ТББ-уудтай хамтран ажиллах
Монгол улсад үйл ажиллагаа явуулж буй ТББ-уудтай хамтран, амьжиргааны түвшин доогуур өрхүүд болон сурагч хүүхдүүд рүү чиглэсэн, амжилттай хэрэгжүүлсэн төслийн туршлага дээр үндэслэн, хамтран ажиллах тул нийцсэн төслийн саналыг хугацаа харгалзахгүй холбогдох имэйл хаягаар ирүүлж болно.
Төслийн саналд өмнө буюу одоо эрхэлж байгаа үйл ажиллагааны тухай тайлан, ирээдүйн төлөвлөгөө, хэрэгжүүлэх төслийн санал зэргийг бичиж илгээх.
/зураг, үйл ажиллагааны үр дүн зэргийг дэлгэрэнгүй тайлагнаж хавсаргах/
Жич: Хүсэлт ирүүлсэн газруудын төслийн санал дээр үнэлгээ хийн, зөвхөн шаардлага хангасан газартай эргэн холбогдох зарчмаар явах учраас та бүхэн ирүүлэх төслөө дэлгэрэнгүй бичнэ үү.
Төслийг зөвхөн имэйлээр авах учраас эхний ээлжинд биечлэн ирж уулзах шаардлагагүй.
Та төслөө бэлдээд зөвхөн 【 MONGOLIA_NETWORK@CCF.ORG.TW 】 хаягаар илгээнэ үү.
Тодруулах асуудлыг 11-330775, 11-330775, 86810060 дугаарт ажлын цагаар холбогдон лавлаарай.